عارفين اننا فى خطر بس للاسف الخطر بجد مش موجود الا فى..........
الا فى .... تحتيه شبرين؟؟!
الا فى .... بيلبسها قصيره ؟؟!
الا فى .... على جبينه باينه اوى ؟؟!
الا فى ... لحيته تحتيه شبرين .... بيلبس الجلباب قصيره .... وعلامه الصلاه على جبينه ظاهره اوى
الا فى .... بعض النوعيه ديه الى بتقول على نفسها سنين
انا قابلت فى الفتره الى فاتت بعض الشيوخ الى من النوع ده فعلا الى يشوفهم يقول عليهم رمز الاسلام بس الى يعاشرهم يقول حرام فيهم كلمه مسلم انا هاقولكم على بعض المواقف الى قابلتنى وخلتنى اعرف اننا فى خطر فعلا
اول موقف
خطبه جمعه كان الشيخ الى بيخطب بيتكلم على الاغانى وتحريم الاغانى كلام جميل مفهوش حاجه اول مابدا قال يقول العلماء واجمع ان كل " المعازف حرام الا الدوف للنسوان " خدو بالكو من كلمه نسوان يعنى المرأه الى احترامها ربنا فى قرانه والرسول صلى الله عليه وسلم فى احاديثه محترمهاش هو ده كان اول انتقاد ليه طول الخطبه بقى عمال الى يقوله يعيده ويزيده مفيش جديد ويزعق وتعصب على الفاضى انا بجد بقالى كثير اوى محضرتش خطبه جمعه وطلعت منها مستفاد حاجه الى يدخل يقعد يزعق ويتعصب ويخوف الناس والى يكون بارد فى كلامه ومش عارف يقول ايه وبيجيب كلمه من الشرق وكلمه من الغرب ومش فاهم اى حاجه ده كان اول موقف ليا
ثان موقف
سواق ميكروباص كان الى يشوفه لحيه وعلامه الصلاه شيخ شيخ يعنى وكنا فى منطقه مش بيجى فيها ميكروباصات الا فين وفين المهم جه والناس ركبت وطبعا زحمه وكان فيه اطفال فى العربيه وسيدات وكده مش عارف ايه الى حصل وعمنا ده قال انا مش طالع هاجرج العربيه طيب ليه ياشيخ فى ايه طيب ياجماعه مش طالع ياشيخ معانا اطفال هنروح ازاى دلوقتى وانت عارف مش بيجى مواصله الا كل فين وفين مفيش تفاهم عمنا ده مصصم يقف وهيسيب الناس ديه مرميه لحد ماحد بقى يسال فيهم بزمتكو انتو ده واحد قارى قران وبيصلى يسيب ناس كده وسيدات واطفال صغيره ووقت متاخر وده ثان موقف
ثالث موقف
خناقه قومت عليها من النوم وشتايم ايه فعلا زباله اوى قلت ابص اشوف فى ايه افوجئ بأن الى عمال يشتم الشتايم ديه سنين ولحيه وعلامه الصلاه وشتايم ايه والله ماتتقال الا من الناس الزباله فعلا اقول ايه اكثر من كده ؟؟؟ وده ثالث موقف
هاااااااااا افرضو بقى
افرضو... واحد غير مسلم عدى من عند الجامع وقت الخطبه والشيخ بيقول كده هيقولك هو ده الاسلام هيحكم على الكل
افرضو.... واحد غير مسلم كان راكب معانا فى الميكروباص هيقول ديه اخلاق المسلمين وبرده حكم على الكل
افرضو.... واحد غير مسلم كانو جيران فى الشارع او معدى وقت الخناقه ويسمع ويشوف من الى بيقول كده هيقول هما دول المسلمين
عايز اقول اننا لازم نفوق فعلا الاسلام جميل ودينا جميل منغيرش الحاجه الجميله الى ورثنها عن الرسول صلى الله عليه وسلم والصحابه والناس الى ضحت بعمرها علشان الاسلام والدين يكمل وينتشر انا وضحت بعض المواقف علشان اوضح بعض الناس الى بيتلككو باللحيه وكلمه مسلم بس مش كلهم فى ناس اكثر منهم فعلا عارفين يعنى ايه كلمه مسلم عارفين يعنى ايه دين واسلام والتوحيد لازم ننقز دينا ونحافظ عليه مش انى اقول انا مسلم واربى لحيتى والبس جلبيه قصيره واقول حرام واقول حلال واقول انت ايه مش خايف من عذاب القبر من عذاب النار كل الى على لسانهم عذاب حرام وتعصب وخلاص لا اكون مسلم معانيه ومفاهيمه مش عايز اقول فى كلامى ان كل الى مربى لحيته وماشى على السنه يبقى كده لا فى منهم الى عارف هو بيعمل ايه
انا كده خلص كلامى ويارب اكون قدرت اوصل وجهه نظرى
موضوع: عارفين اننا فى خطر بس للاسف الخطر بجد مش موجود الا فى ....... 
السبت أغسطس 09, 2008 11:03 am
